तुलसीदास कृत रामचरितमानस के अरण्यकाण्ड से
From Tulasi's RamCharitaManas, Aranyakand
राम स्तुति Ram Stuti
नमामि भक्त वत्सलं । कृपालु शील कोमलं ।
भजामि ते पदांबुजं । अकामिनां स्वधामदं ।। 1।।
निकाम श्याम सुंदरं । भवांबुनाथ मंदरं ।
प्रफुल्ल कंज लोचनं । मदादि दोष मोचनं ।।2।।
प्रलंब बाहु विक्रमं । प्रभोSप्रमेय वैभवं ।
निषंग चाप सायकं । धरं त्रिलोक नायकं ।।3।।
दिनेश वंश मंडनं । महेश चाप खंडनं ।
मुनींद्र संत रंजनं । सुरारि वृंद भंजनं ।।4।।
मनोज वैरि वंदितं । अजादि देव सेवितं ।
विशुद्ध बोध विग्रहं । समस्त दूषणापहं ।।5।।
नमामि इंदिरां पतिं । सुखाकरं सतां गतिं ।
भजे सशक्ति सानुजं । शती पति प्रियानुजं ।।6।।
त्वदंघ्नि मूल ये नराः । भजन्ति हीन मत्सराः ।
पतन्ति नो भवार्णवे । वितर्क वीचि संकुले ।।7।।
विविक्त वासिनं सदा । भजन्ति मुक्तये मुदा ।
निरस्य इंद्रियादिकं । प्रयांति ते गतिं स्वकं ।।8।।
तमेकमद्भुतं प्रभुं । निरीहमीश्वरं विभुं ।
जगद्गुरुम् च शाश्वतं । तुरीयमेव केवलं ।।9।।
भजामि भाव वल्लभं । कुयोगिनां सुदुर्लभं ।
स्वभक्त कल्प पादपं । समं सुसेव्यमन्वहं ।।10।।
अनूप रूप भूपतिं । नतोSहमुर्विजा पतिं ।
ऱ्रप्रसीद मे नमामि ते । पदाब्ज भक्ति देहि मे ।।11।।
पठन्ति ये स्तवं इदं । नरादरेण ते पदं ।
व्रजन्ति नात्र संशयं । त्वदीय भक्ति संयुताः ।। 12।।
* * * * * *